පොදු සාධකය

කුලුදුලේ මගේ හිත
කුඩුවෙන්න කඩපු ඈ..
හදන්නම් කියපු 
හිත කඩපු තී...
කැඩී වීසි කර දැමූ 
හිත ඉල්ලන උඹත්..
මැදින් ඉරි තලන..
පොදු සාධකය මගෙ ගැහෙන
තනි හිතත්....

G

Poet Story

Happy bliss and loved
Death of the poet...

The sad, bad the terrible....

Recarnation of the poet...

So hello my old friends 

Lets meet again....

Fill the pages.....

කලාමැදිරි පෙම..

සුපෙම්බර ගගන!!
ලැබඳි තරුපතිනි ඉකුත් වූ කල
හඬා නිහඬව නුබ වැසූහිද තරු ඉඳුවර?
විවරනු මැන බිඳක් ඔය නෙත..
බිඳලනු මැනැවි මේ කලුවර..
නුඹට පෙම් නැති සඳවතියගෙන් කුමන පල ඇති?
නුඹ නමින් දිදුලන...
ඇඳුරු නුඹට පෙම් බඳින..
අන්වීක්ෂීය 
මම මෙතැන!!

මහගමසේකරයාණෙනි ඔබට සුභ උපන් දිනයක් වේවා!

ඇත්ත!!! මහගමසේකරයන්ගේ උපන්දිනයක් දැනගෙන හිටියේ නෑ, මතකයේ තිබ්බෙත් නෑ!ඒත් සක්වාලිහිණි, බෝඩිම, ප්‍රබුද්ධ කියවපු දවස මතකයි!!නොමියනු කවියෙකුගෙන්
"බොරුව ඉසින අයස මඬින්,
ගත කිලි කුණු තැවරී,
කැට මුඟුරින් පහර ලබා,
දුබල අතින් පොළව බදා,
මා මෙන් ඔබ ඒ දවසේ,
අසරණ වී වැළපෙන විට,
මා ලිව් කවි මට වාගේම, ඔබ හැමටම පොදු වෙනු ඇත..
සබඳ එවිට මගේ කවියේ මා නොසොයා ඔබ දකින්න!!!"
එතුමා නොදැක්ක දවසනම් මතකයි!!මහගමසේකරයාණෙනි ඔබට සුභ උපන් දිනයක් වේවා!

මළ හද;සඳ

බලන් සකි සඳ!
හන්තාන ගිරි හිසට
නොවැඩි හද සඳ..

කමා කල මැන සඳට!
එළිය දුන්නත්  රැයට;
මිය ගොසින් බොහෝ කල්ය...

ඉතින්, කුමට හඬ ගසනුය
හන්තාන ගිරි හිසට?
පින් වඩනු මැන,
පෙම් කරනු අතහැර...

සාජහන්ලා...

හිනා මට...

උපන් තෙක්කට

නාඬපු මං

ආදරෙයි කිය කියා අඬන කොට

ග්ලැසියරුත් උණු වෙන්න ඕනි

එහෙමයි මට හිතුනේ

හිනා මට...

ලස්සනයි එයත්

ඒ අත්තෙන් මේ අත්තට

වැටෙන වැහි බිංඳු වගේ

හිනා මට...

ඒ පාර හදනවලු

ටජ් මහලක්..

එකත් හොඳයි..

සාජහන් කොහේ

දන්නවද

ආදරේ ගැන

හිනා මට...

අපි ගැන

නුඹෙද ;මගෙද; ළඳ??

ප්‍රේමයට

තිත

තබන

ලද...?

වරද කාගෙද

නුඹෙද

මගෙද

ළඳ??